Archive

Archive for the ‘Video Clips – كليبات أغاني’ Category

الأبنودي:قصيدة الميدان – لحن:راجح داود

April 23, 2011 Leave a comment

القصيدة:
أيادي مصرية سمرا ليها في التمييز
ممدودة وسط الزئير بتكسّر البراويز
سطوع لصوت الجموع شوف مصر تحت الشمس
آن الآوان ترحلي يا دولة العواجيز
عواجيز شداد مسعورين
أكلوا بلادنا أكل.. ويشبهوا بعضهم نهم وخسة وشكل
طلع الشباب البديع قلبوا خريفها ربيع
وحققوا المعجزة.. صحّوا القتيل من القتل
اقتلني! قتلي ما هيعيد دولتك تاني
باكتب بدمي حياة تانية لأوطاني
دمي ده ولّا الربيع؟ الاتنين بلون أخضر
وبابتسم من سعادتي ولّا أحزاني؟
السوس بينخر وسارح تحت إشرافك
فرحان بهم كنت وشايلهم على اكتافك
وأما أهالينا من زرعوا وبنوا وصنعوا
كانوا مداس ليك ولولادك وأحلافك
ويامصر قام العليل رجعتله أنفاسه
وباس جبين الوطن. مال الوطن باسه
من قبل موته بيوم صحوه أولاده
من كان سبب علّته محبته لناسه
متخافش على مصر يابا.. مصر محروسة
حتى من التهمة دي اللي فينا مدسوسة
ولو انتا أبوها بصحيح وخايف عليها قوي
تركتها ليه بدن بتنخره السوسة؟!
وبيسرقوك يالوطن قدامنا عيني عينك
ينده بقوة الوطن ويقولي: قوم.. فينك؟!
ضحكت علينا الكتب. بعدت بنا عنك
لولا ولادنا اللى قاموا يسددوا دينك
لكن خلاص ياوطن صحيت جموع الخلق
قبضوا على الشمس بإديهم وقالوا لأ
من المستحيل يفرطوا عُقد الوطن تاني
والكدب تاني محال يلبس قناع الحق
يرجع لها صوتها.. مصر تعود ملامحها
تاخد مكانها القديم والكون يصالحها
عشرات سنين تسكنوا بالكدب في عروقنا؟
والدنيا متقدمة ومصر مطرحها
كتبتوا أول سطور في صفحة الثورة
وهما عُلما وخٌبرا مِداورة ومناورة
وقعتوا فرعون هرب من قلب تمثاله
لكن جيوشه مازالوا يحلموا ببكرة
صباح حقيقي. ودرس جديد قوي في الرفض
أتاري للشمس صوت. وأتاري للأرض نبض
تاني معاكم رجعنا نحب كلمة مصر
تاني معاكم رجعنا نحب ضحكة بعض
مين كان يقول ابننا يطلع بنا من نفق
دي صرخة ولّا غنا؟ وده دم ولّا شفق؟
أتاريها حاجة بسيطة الثورة ياخوانّا
مين اللي شافها كده؟ مين أول اللي بدأ؟
مش دول شبابنا اللي قالوا كرهوا أوطانهم؟!
ولبسنا توب الحداد وبعدنا قوي عنهم؟!
همّا اللي قاموا النهارده يشعلوا الثورة
ويصنّفوا الخلق مين عانهم ومين خانهم
يادي الميدان اللي حضن الفكرة وصهرها
يادي الميدان اللي فتن الخلق وسحرها
يادي الميدان اللي غاب اسمه كتير عنه وصبرْها
ما بين عباد عاشقة وعباد كارهة
شباب.. كإن الميدان أهله وعنوانه
ولا في الميدان نسكافيه ولا كابتشينو
خدوده عرفوا جمال النوم على الأسفلت
والموت عارفهم قوي وهمّا عارفينه
لا الظلم هين يا ناس ولا الشباب قاصر
مهما حاصرتوا الميدان عمره ما يتحاصر
فكرتني يالميدان بزمان وسحر زمان
فكرتني بأغلى أيام في زمن ناصر
أتاريك جميل ياوطن مازلت وهاتبقى
زال الضباب وانفجرت بأعلى صوت. لأه
حرضتنا نبتسم ودفعت إنت الحساب
وبنبتسم بس بسمة طالعة بمشقة
فينك يا صبح الكرامة الّا البشر هانوا
وأهل مصر الأصيلة إتخانوا واتهانوا
بنشتري العزة تاني والثمن غالي
فتح الوطن للجميع قلبه وأحضانه
الثورة فيض الأمل وغنوة الثوار
الليل إذا خانه لونه يتقلب لنهار
ضج الضجيج بالنِدا إصحى يافجر الناس
فينك ياصوت الغلابة وضحكة الأنفار؟
واحنا وراهم أساتذة خايبة تتعلم
إزاي نحب الوطن وإمتى نتكلم
طال الصدأ قلبنا ويأسنا من فتحه
قلب الوطن قبلكم كان خاوِ ومضلّم
والباقي في أول تعليق

Advertisements

Full Metal Jacket – Bird is the Word

April 6, 2011 Leave a comment

Full metal jacket is one of my most favorite movies about Vietnam war, as it tells the truth about American unfair military strikes against innocent civilians in Vietnam in a very simple way.

What I respected in this movie is that they tried to tell ppl about the history through the light comedy which is very respectful from my point of view, but you may find few shocking science in this movie as well, it is all about war…

You have to watch it…

 

Wagner – Die Walküre: “The Ride of the Valkyries” (Boulez)

April 6, 2011 Leave a comment

The sound track…

The Universal Declaration of Human Rights

March 29, 2011 Leave a comment

Mawlaya ya Mawlaya مولاي يا مولاي

March 3, 2011 Leave a comment

بحبك يا بلادي – تحية عطرة لأرواح شهداء ثورة 25 يناير

February 12, 2011 Leave a comment

بحبك يا بلادي – تحية عطرة لأرواح شهداء ثورة 25 يناير

حتى لا ننسى, و إن نسينا نذكر بعضنا فهؤلاء من ضحوا بأرواحهم كي يمنحونا الحياة ضحوا بحياتهم وهم مقبلوان على الحياة ضحوا بحياتهم وقد إنتزع منهم الظالمون الحياة, تحية لأمهات الشهداء و أسر الشهداء و أقسم اننا لن ننساكم ولابد أن لا تنسى مصر أبناءها كما فعلت من قبل ولا داعي للنبش في الماضي ولكن كل ما سنفعله هو بناء مستقبل وتعويض ما حدث في الماضي قدر استطاعتنا بحول الله وقوته.

الله أكبر كبيرا والحمد لله كثيرا وسبحان الله بكرة وأصيلا

لاإله إلا الله وحده – صدق عهده و أعز جنده و  هزم الأحزاب وحده

الله أكبر كبيرا والحمد لله كثيرا وسبحان الله بكرة وأصيلا

لاإله إلا الله وحده – صدق عهده و أعز جنده و  هزم الأحزاب وحده

Mesut Kurtis – Burdah | مسعود كرتس – البردة

December 8, 2010 Leave a comment